Ni 24.02.2026 khan Mizoram Cooperative Apex Bank Ltd. Branch 35-na Falkawn Branch chu Pu Lalnunsanga, Chairman, Mizoram Cooperative Apex Bank Ltd. in a hawng. Falkawn Branch hawnna hun hi Pu A. Lallungmuana CEO, Mizoram Cooperative Apex Bank Ltd. chuan kaihruaiin, Kal khawmte hmaah Apex Bank chuan Falkawn khua chauh nilovin a tlangdunga khaw hrang hrang; Hualngohmun, Melriat, Kelsih leh Muallungthu leh a dangte tana dawr theih tur Bank ngelnghet leh dawr nuam din an tum thu a sawi a. Apex Bank chu Mizo mipui hriatthiam dan leh nunphung mila kal tlat a nih thu a sawi bawk. Mizoram chhunga Federation hrang hrang Chairman te’ chuan vawiina Bank hawnna hi an hmanpui a. Pu K. Rothangpuia, Mizofed Chairman chuan kal khawmte hmaah Falkawn khua leh a chhehvel te an vanneih thu sawiin mipuiin thiam taka Bank an hman phawt chuan hmasawnna rualkhai tak a thlen ngei a beisei thu a sawi. He hunah hian Falkawn VCP Pu H. Zarmawia pawhin thusawiin, Mizo Bank ngei Falkawna hawn a ni chu lawmthu sawiin theih tawp chhuaha mipuite pawhin Bank leh ATM te hmang tangkai tura tan an lo lak tur thu a sawi bawk a. Pi TBC Lalkhumtiri, Deputy General Manager-chuan kalkhawmte hmaah lawmthu sawiin hun hi a khar a ni.